دطبعيت دښکلا څيړونکې مارتاته ډالۍ : زرلښته حفيظ
مارتازمايوه کيوباېې شاعره ملګرې ده چې کلونونه پس خپل هيوادکيوباته تلې ده مارتادطبعيت دښګلاګانوسره ډيره مينه لري دهغې ټولې ليکنې د طبعيت په ښکلاګانو باندې څرخي په کال کې څوڅوځلې دنړۍ شين بڼ لرونکي هيوادونوته سفرونه کوي هغه دخپل دمينې ښکلا دطبعيت په لمنه کې لټوي
هغه دسياست سره مينه نلري دهغه په نظرسياست مداران روحي ناروغان دي خو په ټول نړۍ کې دکيوبا پخوانی اولسمشرفيدل کاسترو دشخصيت او د هغې ٤٩کلن واکداري سره دزړه دکومې مينه لري هغه وايي که څه هم کيوبا يوشتمن هيواد نه دی خوفيدل کاستروپه کيوباکې داخلاص،وفاداری،ښه خدمت،اودعام خلکوزړونوکې ديوخاص محبوبيت څخه برخور دار شخصيت دی مارتازمادافغانستان په هکله ډيرڅه پوهيږي هغه روزانه ماته دخپل سفرونوکيسي په نيټ کې کوي هغه تل ماته وايي ماسره کيوبا ته ولاړه شه زه به ستاننګرهارپه کيوبا کې درته وښايمه کيوباډيرښکلې منظرې اوڅپانده سيندونه لري هغه تل دنړۍ ښايسته هيوادنو ته يواځې سفرونه کوي دضرورت په وخت کې ځان سره ترجمان ګرځوي ماته يې يوليک استولې وه او په ليک کې ګيله کړيوه چې ولې تل يواځې افغانانوته ليکنې کومه دا دهغې د ليک دخواب ژباړه ده
مارتا
زما دمينې ګلالۍ کوډګرې
زما مارتا اې ليونۍ کودګرې
ستانړيوال ته مې سلام کړيدی
په سل ځلي مې احترام کړيدی
مادنړۍ په خلکو ډير وژړل
هيرويشيماته مې هم پام کړيدی
ستا دکيوبا خوږولمنو ته هم
ستا په يادونومې ارام کړيدی
ها دويتنام د در په درو خلکو
ما دکاتي١* کيسه مدام کړيدی
دحبشې او دچيليانو په ياد
سل سلامونه په سودان کړيده
زه ستاګيله به خامخامنمه
په هر انسان باندې ليکنۍ کوم
تادډورا*٢کيسه لوستلې نه ده؟
وليه *٣سودان باندې ليکنۍ کوم
مونږ انسانان يو هيڅ توپير نلرو
په تا او ځان باندې ليکنۍ کوم
دجنګ وختونه هيڅ ښکلا نلري
ځکه ژوندون په کې معنی نلري
زه او ته دواړه دجنکو قربانيان
په کاناډا کې مو ژوندون خوښ کړې
مونږه دسولې دلټون په هيله
سولې دپاره پلټون پيل کړې
نور دجنګونو اختتام غواړو
سوله نړۍ ته تل مدام غواړو
زما ښايسته زما ګلمينۍ مارتا
مانه هيره نه يې اې شرينې مارتا
ته چې کيوبا نه کله بيرته راغلې
زما ليکنۍ به ټول وينې مارتا
زه او ته دواړه په يوسوله مين
د حفيظ زړه ته لونګينې مارتا
١کاتي د ويتنامې انجلې لنډه کيسه زما ليکنه
٢ډوراکاژول جرمنۍښځه لنډه کيسه زما ليکنه
٣ولياټونکارا سودانې ښځه لنډه کيسه زما ليکنه
