ساپی د ادبي اوفرهنګي شخصیت ارزونه : انجنیر عبدالقادر مسعود
د ښي نه کيڼ خوا ته ښاغلی قاضي عزيز الرحمان ممنون ، ارواښادسېلاب ساپی او د  افغانستان وتلی کمپوزر ارواښاد محمد دين زاخيل
زموږ په ادب پاله ټولنه کې ډیر ادبي ستوري ځلیدلي دي، چې نه یوازې زموږ خلک د دوی دخوږ کلام نه برخمند دي، بلکې د دوی ادبي او فرهنګي مقام او شهرت په نورو ټولنو کې هم د نامتو لیکوالانو او ادب پوهانو له خوا ستایل شوې دي . یو له دغو متبارزومتفکرینو،نوښتګرو اووتلوشخصیتونوڅخه خدای بخښلې ارواښادامان الله سیلاب ساپی دی .

د جلال پرشعر څوخبرې : ارشادرغاند
دا ليکنه د تېرې جمعې پرورځ د ننګرهار ادبي بهير لخوا د جلال امرخېل د دويمې شعري ټولګه په مخکتنه او هېواد ته د هغه د راتګ په هرکليزه غونډه کې اورول شوې.زه چې د جلال امرخېل پرشاعرۍ د ليک ازمېښت کې ګېريم نو د دروېش دراني په ننګرهار مېشته نمانغځونډه کې د يوه اردو ژبي کره کتونکي په تقليد د سليم راز دا خبره مې ياده شي چې((د دروېش غوندې ښه شاعر پرپنځونو ښې خبرې د هغه هم کچه ښه کره کتونکى کولاى شي)).

خوځون او د ژوند کيسه : ارشادرغاند
پرخوځون زماخبرې که په غوښتې ياشعوري توګه نه وي،نو په ناغوښتې او ناشعوري توګه خامخا به  له خپلمنځيو ډېرو نېږدې اړيکو اغېزمنې وې،خوبياهم توکل پرڅښتن(ج)!
فريدون چې پخوانى حرکت تخلص يې استاد صميم  خوځون کړى،د دې کتاب ليکنې يې د ځينو ملګرو په ډاډ رېښتينې کيسې بللي چې زماپه ګومان دا نومونه  به د دې ليکنو جولې سره هومره سمون ونه خوري.
له ګوتنيونو موخه دانه ده چې ګوندې کيسې نارېښتيني دي،دا خبره په دې کوم چې داليکنې تر کيسو ډېر ژونالېستيکو راپورونو ته پاتې کېږي ځکه د کيسو د ځانګړنو په توګه ښودل شوې ژبه،تلوسه،اوج،پاى او نور پکې دومره نه ښکاري.

ښاغلي عبدالباري جهاني نوښتګر اومخکښ شاعر اولیکوال : انجنیرعبدالقادر مسعود
شعر هغه هنري اثر دی چې ښکلي او په زړه پوري کلام ته او خوږوترکیبونو اوظاهري فورم اوشکل ته اړتیا لري . د شعر ښکلا دشعر  په  معنا، کلام اواحساس کې او دشعر دفورم اوشکل  په  وسیله  انعکاس مومي . شاعر بایدخپل شعري مطلب  داسې تنظیم اوترتیب کړي چې شعر یې معناولري او یو ښکلې فورم او شکل پیدا کړي . دی بایدله هغوترکیبي عناصرونه لکه: احساس،عاطفه، تخیل، وزن،کلام اودټولنې داسی نورو پدیدو نه ګټه واخلي، چې شعر یې معنا پیداکړي اود ده شعر ته یو ښکلې فورم اوشکل ور په برخه شي ،او د ده  دشعر اساسي معنا،مفهوم اوموضوع روښانه شي او دی خپل هدف ،موخه اوپیغام په خپل شعر کې خلکو او ټولنې ته  بیان کړي . اساسي اصل د یو شعرپه معنا کې نغښتې دی،جانبي موضوع یې فورم او شکل دی .

يو ځوان ، هنري او ارثي استعداد : سميع الدين افغاني
وه بيغوره ياره ، رنګ ته مې ګوره
اوس مې وکړه ديدنونه
د رنو لوستونکو!
دنن څخه څلورلسيزې دمخه لا څه وړاندې کله چې زه او زموږ دعمر هلکان په ابتدايه ښوونځی کې تعليم کاوه او دلغمان ولايت په کلو او بانډو کې مو دخپل عمر د نوې ځوانی خوږې شپې او ورځې تيرولې ،په هغه زمان کې دولتي ميديا دومره پراخ فعاليت نـه درلود ،داسې باورکـيده ،مسايل يا حوادث څنګه چې اوس په چټکی سره د خلکو غوږونــو او اذهانو ته رسيږې په هغه وخت پـه وطن کې هم ډيرې پيښې مينځ ته راتللې خو دومره په ځغرده دخلکو تر غوږو نه رسيدې ٠

نظامي ژمن او رېښتينى ليکوال : ارشادرغاند
اوسنۍ پښتو ليکنه  په ټوله او ناول ليکنه په ځانګړې توګه سره له دې چې وېش اودرجه بندي يې زماتر واک پورته ده خو لږ ترلږه د يوه لوستوال په توګه ليکوال يې په دوه برخو وېشل شوي راته ښکاري:
 لومړى هغه چې د دې برخې پوهان او د مسلکي زده کړو لرونکي دي  او دويم هغه چې  د تيوريکي پوهې  له کموالي سره،سره د ځينو اخلاقي دندو د ترسراوي لپاره ناول ليکوال شوي.

درې سوه )۳۰۰(کرښې ـ څلورم پړک :لیکوال :طالب منګل
۲۷۲:کرښه : هغه د توت څانګې ته لغت راخلاصه کړه او د توت لاندې له غنمو نیمه رېبل شوي ځمکه له سپینو توتانو ډکه شوه. ماشومانو ور منډه کړې او په واړو لاسونو یې د توت سپنې دانې خولې ته واچولې.
۲۷۳:کرښه :هغې ماشوم کلک په لاس نیولی و او د موټرو له ډک سړک نه په پوره اختیاط سره د سړک هغې خواته پورې شوه.

ارواښاد استاد اولمیر زموږ د هیواد ویاړلي اوبرمیاله  هنري څیره :انجنیرعبدالقادرمسعود 
زموږ هیواد دخپلې لرغوني جغرافیوي او استراتیژیک موقعیت له مخې د طبیعي ډیرو ښکلو مناظرو ، طبیعي سرشارو شتمنیو ،  زیرمو او منابعوو  خاوند  دی ،  چې  زموږ فرهنګي  نوښتګرو، پوهانو، مورخانو او لیکوالانو  په  دې  هکله  د خپل هنر او استعداد په وسیله  او هغه مینه یې چې د خپلی خاوری سره لرله د تاریخ حافظی ته  یې په خپلواثارو کې درانه  یاد ګارونه او نه هیریدونکي خاطرې سپارلې دي، چې ددغو فرهنګي څیرو مبتکرانه زیارګالنې او نه هیریدونکي خدمتونه د پوره قدر او ستاینې وړ دی.

انځورېزه شاعري :سميع الدين افغاني
محترمو لوستونکو!
دايوه څرګندحقيقت دی چې په بشری نړۍ کې علم اوتخنيک ورځ په ورځ دپر مخ تګ په حال کې دی او نړۍ وال په مختلفو برخوکې د نوی اکتاشافاتو شاهدان دي چې بشردعلم ،فرهنګ او ادب په برخه کې هم لازمې لاسته راوړنې درلودلې دي٠

خوشحال خان بابا په هکله یو څو خبرې: انجنیر عبدالقادر مسعود
دستر نومیالي ، ویاړلي،  فرهنګي،  ادبي،  سیاسي او مبارز  شخصیت خوشحال خان بابا په هکله یو څو خبرې
 ارواښادخوشحال خان خټک دشهباز خان زوی چه د پښتنو یوې قبیلې (خټکو)مشر او سردار ، د یحیی خان لمسی دملک اکوړه کړوسی ؤ.دی دپښتو ژبې د ادبي، فرهنګي شخصیت په توګه یو لوي او وتلی لیکوال پیاوړی او غښتلی شاعر او دتورې او میړانې اتل ؤ. دی دخټکو په یوه لویه او درنه کورنۍ کې په (۱۰۲۲) هجری قمری کال کې د (سرای)   نومې ځای کې زیږدلی دی ، او د( اټک)  دمست اوڅپاند سیند په غاړه لوی شوی دی .